சூரிய நமஸ்காரம் செயல் முறைவிளக்கம்:

7. மாதாபித்ரு மனம்:

      எல்லா மனங்களுக்கும் மையமாகவும் எல்லாவற்றையும் ஆக்கல், காத்தல் அழித்தல் என முத்தொழிலை உள்ளடக்கி ஆட்சி செய்யக் கூடியதாகவும் உள்ளது. 

      மூளையின் மையப்பகுதியில் வலது பாகத்திலுள்ளது. இம்மனம் மற்ற எல்லா மனங்களுக்கும் தாயாக இருந்து, தன்னில் தன் ஆத்மாவை சுமந்து, உலக நலனுக்காக தன்னை அர்பணித்து இவ்வுலகை உருவாக்குகிறது. 

     “மாதாபித்ரு” மனதிலிருந்தே, உலகில் காணுகிறயாவும் தோன்றின. இம்மனம் சூட்சுமமாக மறைந்தே நிற்கிறது. இம்மனதுடன் தொடர்பு கொண்டால், நமக்கு எது வேண்டுமோ, அது நடக்கும். 

கடைபிடிக்க வேண்டிய விதிமுறைகள்: 

      இம்மனதுடன் தொடர்பு கொள்ள மந்திர உச்சாடனங்கள் செய்வது. எல்லாக் குழந்தைகளையும், உயிர்களையும் மாந்தர்களையும், தன்னுடையதாக கருத வேண்டும். ஒரே மாதிரியான அன்பு செலுத்த வேண்டும். 

       உடல் உள்ளம் இரண்டையும் தூய்மையாக வைத்துக் கொள்ள வேண்டும். 

கடைபிடிக்க வேண்டிய பயிற்சிகள் : 

      மற்ற சக்கரங்களுக்கு கொடுக்கப்பட்ட எல்லா பயிற்சிகளையும் மேற்கொள்ளலாம்.

8. பிதாமனம் :

      மனம் என்று கூறமுடியாது, எல்லா அணுவிற்குள்ளும் உயிர்களுக்குள்ளும் இருந்து கொண்டு இயக்குவது இதுதான். நடப்பவற்றை ஏற்றுக் கொள்வதும் இது தான். 

கடைபிடிக்க வேண்டிய விதி முறைகள் 

       பற்றற்ற நிலையை உருவாக்குதல். 

       தன்னுணர்வை அறிதல்.  

       சரணாகதி, மௌனம், போன்றவைகளை கடைபிடித்தல்,

       மனம் என்பதை அறிந்து, தெளிந்து, உணர்ந்து அதனோடு ஒன்றி வாழ   வேண்டும். 

மாதாபித்ருமனம், பிதாமனம், பலப்பட கண் தியான பயிற்சி :

      சிறிது நேரம் கண்களை கவனியுங்கள். மூடி கண் இமைகளை கண்                  இமைகளில் இருந்து, கண்களினுள் கண்மணிகளை (முட்டை வடிவமான உருண்டையை) உணருங்கள். 

      அவ்வுணர்வோடு கண்களில் உள்ள கண்மணிகளின் கனத்தை சிறிது    நேரம் கவனிக்கவும். 

      கண்மணிகள் இட வலமாகவோ, வல இடமாகவோ கண்களுக்குள் நகர்வதை உள் உணர்வால் உணருங்கள். 

     பின்னர் உங்களின் சுவாசம் மிக மெல்லியதாக நிகழ்வதையும் கவனியுங்கள். 

      கண் இமை, கண் உருண்டை, சுவாசம் மூன்றையும் புருவ மத்தியில் வைத்து உணருங்கள். 

      இடது கண்களை கவனியுங்கள். 

      உங்கள் உடம்பு மெல்லியதாக தோன்றும், அப்போது இடது பக்கம் மட்டும் சுவாசம் இருப்பது போல் தோன்றும் போது பௌர்ணமி நிலவு சிகப்பு வானங்களுக்கு இடையில் இருப்பது போல் கற்பனை செய்து கொள்ளுங்கள்.  

      கண்களில் உங்கள் முழு கவனத்தையும் வலது வையுங்கள். உங்கள் உடம்பினுள் மறைந்திருக்கும். 

      சூட்சும மனமான மாதபித்ரு மனத்தின் ஆவியால் உங்கள் உடம்பினுள் சக்திகள் பாயும்.

      மேலும் சூரியனை மனதால் நினைத்து கொண்டு வலது கண்ணிலிருந்தே கவனியுங்கள். உங்களின் உடம்பினுள் ஆற்றலும், தேஜசும் பெருகும்.